Wczora boły Walentynki
zabronioła mi laptopa
dość że bołeś na nim w piątek
w środa, cwortek i w sobota
Chciała bym boł ino do niej
zrobioł łobiod i śniodanie
już łod rana miołech w łożku
bardzo ciężkie z niom zadanie
śwjyntym naszej są miłości
Walentynki, godo Ania
dej mi jesce pieknie prosza
jajka twoje do śniadania
Musiołch stanonć przy ausgusie
bo ło kwiotkach zapomniołech
kusik dała mi w antryju
za to że nie pyskowołech
Potym zaroz po łobiedzie
coch go zrobioł na gibcika
żeby krzwo nie patrzoła
podołch kawa, doł torcika
A na wiecor kiwła palcym
poć tu do mnie mój kochany
przeca momy Walentynki
sobie w łóżku „pogadamy”
Brak komentarzy:
Prześlij komentarz